Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Ortalyq saılaý komıssııasy saılaýshylarǵa úndeý joldady

2020 jyldyń 27 qazan 2020 16:53

NUR-SULTAN. QazAqparat - QR Ortalyq saılaý komıssııasy Qazaqstan Respýblıkasy Parlamenti Májilisiniń jáne máslıhat depýtattarynyń kezekti saılaýyna oraı saılaýshylarǵa úndeý joldady, dep habarlaıdy QazAqparat tilshisi.

«Eger siz daýys berý kúnine 18 jasqa tolǵan jáne belsendi saılaý quqyǵyna ıe Qazaqstan Respýblıkasynyń azamaty bolsańyz, onda Qazaqstan Respýblıkasy Parlamenti Májilisiniń jáne máslıhattarynyń depýtattaryn saılaýǵa quqyǵyńyz bar. Sizdiń saılaýshylar tizimderinde bolýyńyz saılaýǵa qatysýǵa konstıtýtsııalyq quqyǵyńyzdyń kepili bolyp sanalady. Saılaýshylar tizimderin jergilikti atqarýshy organdar jasaıdy. Sizdiń naqty saılaý ýchaskesiniń aýmaǵyndaǵy turǵylyqty jerińiz boıynsha tirkelýińiz saılaýshylar tizimine engizý úshin negiz bolyp tabylady. Saılaý ýchaskeleriniń shekaralary jergilikti buqaralyq aqparat quraldarynda 2020 jylǵy 5 qarashadan keshiktirilmeı jarııalanady», - delingen úndeýde.

Sonymen qatar OSK ár saılaýshy saılaý taǵaıyndalǵan kezden bastap tıisti jergilikti atqarýshy organda saılaýshy retinde tirkelýge quqyly ekendigine nazar aýdartady.

«Eger sizge 2020 jylǵy 10 jeltoqsanǵa deıin saılaý kúni tirkelgen jerińiz boıynsha daýys berýge arnalǵan úı-jaıǵa kelý múmkindigińiz bolmaıtyny belgili bolǵan jaǵdaıda, baratyn jerińizdegi ákimdikke saılaýshylardyń tıisti tizimine engizý týraly jazbasha ótinishpen júginýge quqylysyz. Eger siz turaqty tirkelgen jerińizden tys eldi mekende bolsańyz jáne turǵylyqty jerińiz boıynsha ýaqytsha tirkelgen bolsańyz, onda 2020 jylǵy 10 jeltoqsannan keshiktirmeı, saılaý kúni daýys beretin saılaý ýchaskesiniń saılaýshylar tizimine engizý týraly jazbasha ótinishpen ózińiz ýaqytsha bolatyn jerdegi ákimdikke júginýge quqylysyz. Qurmetti saılaýshy! Quqyqtyq saýattylyq tanytyńyz jáne ózińizdiń saılaý quqyǵyńyzdy iske asyryńyz! Ózińizdi saılaýshylar tizimine engizý boıynsha zańdy mańyzdy áreketterdi ýaqtyly qabyldaýyńyz qajet. 2020 jylǵy 26 jeltoqsannan bastap sizge óz saılaý ýchaskeńizdegi saılaýshylar tiziminen ózińiz týraly málimetterdi tekserý múmkindigi beriledi», - dep atap ótedi Ortalyq saılaý komıssııasynan.


Foto: inbusiness.kz

Joǵary qaraı