Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Órtten shyqqan qoıý tútin almatylyqtardyń záresin aldy

2021 jyldyń 18 qazan 2021 16:14

ALMATY. QazAqparat - Almatyda turǵyn úı aýlasyndaǵy sharýashylyq qurylystary órtendi. Órt ornynan 25 lıtrlik eki gaz ballony men 5 lıtrlik eki gaz ballony shyǵaryldy, dep habarlaıdy QazAqparat tilshisi.

Qalalyq tótenshe jaǵdaılar departamentiniń málimetinshe, órt sóndirýshiler 18 qazan kúni saǵat 14:47 kezinde Almaly aýdanyndaǵy Qojamqulov kóshesi, 259 mekenjaıyndaǵy órtti sóndirýge shyqty.

Oqıǵa ornyna jetkende jalpy aýdany 40 sharshy metr sharýashylyq qurylystyń janyp jatqany anyqtaldy.

Órttiń jeke turǵyn úıgelerge taralýy qaýipi týyndady. 25 lıtrlik gaz ballondardyń birinen gaz shyqqan soń ony órt sóndirýshiler qaýipsiz qashyqtyqqa shyǵaryp úlgerdi.

Jambyl kóshesiniń qaýipsizdigin qamtamasyz etý úshin polıtsııa qyzmetkerleri kósheni qorshaýǵa aldy.

Qabyldanǵan sharalardyń nátıjesinde órt 8 mınýtta, saǵat 15:10-da óshirildi. 15:27-de tolyǵymen joıyldy.

Órt sóndirý jumysyna 10 tehnıka, jeke quramnan 35 adam jumyldyryldy.

Sońǵy derek boıynsha qyzyl jalyn 100 sharshy metrdi sharpyǵan.


Avtor Dýman Arǵyngeldi
Basty sózder: Almaty, Oqıǵa,
Joǵary qaraı