Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oryndyqta uıyqtaýǵa májbúr: Elordanyń balalar aýrýhanasyndaǵy jaǵdaıǵa túsinik berildi

2021 jyldyń 27 qazan 2021 18:47

NUR-SULTAN. QazAqparat – Elordanyń Qoǵamdyq densaýlyq saqtaý basqarmasy qalalyq balalar aýrýhanasynda tósek-orynnyń jetispeýine qatysty shaǵymǵa túsinik berdi, dep habarlaıdy QazAqparat tilshisi.

Elorda turǵyny balalar aýrýhasyndaǵy jaǵdaı týraly áleýmettik jelide jazdy.

«Tańǵalysymda shek joq, elorda aýrýhanasynda balalardyń qalaı em alyp jatqanyn kórsetkim keledi. Eshqandaı jaǵdaı joq, adamdar oryndyqta uıyqtaýǵa májbúr. Naýqas balalar men olardyń ata-analaryn jaıǵastyratyn jetkilikti kereýettiń bolmaǵany ma?», - dep elorda turǵyny shaǵymyn bildirdi.

Óz kezeginde qalalyq Qoǵamdyq densaýlyq saqtaý basqarmasy bul máselege qatysty túsinikteme berdi.

«Qazirgi ýaqytta 0 men 2 jasar balalar arasynda JRVI (jedel respıratorly vırýsty ınfektsııalar), tumaý jáne pnevmonııanyń taralýy órship tur. Vıdeoda №1 kópsalaly qalalyq balalar aýrýhanasynyń pedıatrııa bólimshesindegi jaǵdaı kórsetilgen. Pedıatrııa bólimshesindegi palatalar naýqas balalarǵa tolyp qaldy. Atalǵan máseleni sheshý úshin qosymsha tósek-jaımen qamtý sharasy qaralyp jatyr», - delingen basqarma jaýabynda.




Joǵary qaraı