Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Óskemen ákimine 159 myń teńge aıyppul salyndy

2022 jyldyń 11 mamyr 2022 14:53

ÓSKEMEN. QazAqparat – Óskemen qalasynyń ákimi Jaqsylyq Omarǵa sot sheshimin oryndamaǵany úshin 159 myń teńge aıyppul salyndy, dep habarlaıdy QazAqparat tilshisi.

Óskemen ákimi men qalalyq turǵyn úı-kommýnaldyq sharýashylyq bólimine qatysty sot isi oblystyq mamandandyrylǵan aýdanaralyq ákimshilik sotynda qaralǵan. Belgili bolǵandaı, Ablaketka kentiniń turǵyndary qoǵamdyq kóliktiń kestege sáıkes qatynamaıtyndyǵyna narazylyq bildirip, sot arqyly shaǵym túsirdi.

«Ákimshilik is taraptardyń daýdy medıatsııa tártibimen retteý týraly kelisimin bekitý arqyly qaraldy. Sol kelisimge sáıkes jolaýshylar tasymalyna qatysty máselelerdi sheshý úshin ákimdiktiń jaýapty bólimine birneshe mindetter júkteldi. Al sol mindetterdiń oryndalýyn qala ákimi óz baqylaýyna alýǵa tıis bolǵan», - dep habarlady sottyń baspasóz qyzmeti.

ıAǵnı, ákimdik 16 naýryzǵa deıin avtobýstardyń ýaqtyly qatynaýyn qamtamasyz etýge tıis edi. Alaıda bul mindet oryndalmaǵan.

«Sondyqtan ÁRPK-tiń 127-baby 5-bóligimen qala ákimi men turǵyn úı-kommýnaldyq sharýashylyq bólimine 50 AEK nemese 159 000 tenge kóleminde aıyppul salyndy. Úkim áli zańdy kúshine engen joq», - delingen aqparatta.




Joǵary qaraı