Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemen turǵyny ýnıversıtetke grantqa túsiremin degen alaıaqqa aldandy

2021 jyldyń 13 qazan 2021 04:25

ÓSKEMEN. QazAqparat – Óskemen qalasynyń turǵyny ýnıversıtetke grantqa túsiremin degen alaıaqqa 750 myń teńge bergen, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetine súıensek, Úlbi polıtsııa bólimine 42 jastaǵy azamat júgingen. Óz sózinde ol 26 jastaǵy tanysynyń ulyn qaladaǵy ýnıversıtetterdiń birine grantqa túsirýge kómektesetindigine sendirgenin jetkizdi.

Alaıda qolyna 750 myń teńge alǵan soń er adam habar-osharsyz ketken. Aldanyp qalǵanyn túsingen shahar turǵyny tártip saqshylarynan shara qoldanýdy surady.

«Jedel-izdestirý sharalaryn júrgizgen polıtsııa qyzmetkerleri kúdiktini kóp uzamaı ustady. Qazirgi ýaqytta atalǵan fakti boıynsha QR QK-niń 190-baby 1-bóligine (Alaıaqtyq) sáıkes sotqa deıingi tergeý amaldary bastaldy», - deıdi basqarma bastyǵy Andreı Mýla.


Joǵary qaraı