Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Óskemen turǵynynyń úıinen 4 tapansha men 150 oq tabyldy

2022 jyldyń 25 mamyr 2022 23:10

ÓSKEMEN. QazAqparat – Óskemen qalasynda 32 jastaǵy er adamnyń úıinen 4 tapansha men 150 oq tabyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary «Qarý» jedel aldyn alý sharasy barysynda atys qarýlary men oq-dárilerdi zańsyz saqtaǵan 32 jastaǵy Óskemen turǵynyn ustady.

«Er adamnyń úıin tintý barysynda polıtseıler «MR-79-8» jáne «WALTHER» markaly gaz tapanshalaryn, «MR-654K» úlgisindegi ózdiginen oqtalatyn pnevmatıkalyq tapanshany jáne «SPSh 44» úlgisindegi sıgnaldyq tapanshany tapty. Sondaı-aq 150-den astam oq-dári tárkilendi. Bul oqtar atýǵa jaramdy bolyp shyqty», - delingen aqparatta.




Atalǵan fakti boıynsha QR QK-niń 287-baby 3-bóligine (Qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, saqtaý, tasymaldaý nemese alyp júrý) sáıkes sotqa deıingi tergeý amaldary bastaldy.

Esterińizge sala ketsek, osyǵan deıin Semeıde 29 bas jylqyny aıdap ketken ury ustalǵanyn habarlaǵan edik.



Joǵary qaraı