Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende 1000 oryndyq qazaq mektebi ashyldy

2019 jyldyń 1 qyrkúıek 2019 22:41

ÓSKEMEN. QazAqparat – Óskemendegi №19 shaǵyn aýdanda 1000 oryndyq qazaq mektebi ashyldy, dep habarlaıdy QazAqparat.

№48 mekteptiń ashylýyna Shyǵys Qazaqstan oblysynyń ákimi Danıal Ahmetov qatysty.

«Sapaly bilim – qarqyndy damýdyń, órkenıettiń basty sharty. Sol sebepti el Prezıdenti men Úkimettiń júktegen tapsyrmalaryn júzege asyryp, oblysta bilim sapasyna erekshe kóńil bólip otyrmyz. Óskemendegi 50 mektepte 38 myń oqýshy jańa oqý jylyn bastap otyr. 4600 bala eń alǵash mektep tabaldyryǵyn attady. Al búgin ashylǵan bilim nysany jahandaný dáýirindegi jańa tehnologııanyń talaptaryna saı erekshe oshaq bolmaq», - dedi Danıal Ahmetov.

Jańa nysanda tolyq jabdyqtalǵan oqý kabınetteri, ınjenerlik-tehnıkalyq baǵyttaǵy túrli úıirmeler men sektsııalar jumys isteıtin bolady. Sý jańa mektepke qadam basqan 1000 oqýshynyń arasynda 1-synypqa kelgen 150 bala bar.


Joǵary qaraı