Aýa raıy
Astana 11 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende 50-den astam aýla jóndeldi – Danıal Ahmetov

2020 jyldyń 23 qyrkúıek 2020 17:37

ÓSKEMEN. QazAqparat – Óskemen qalasynda bıyl 55 aýla jóndeýden ótti, dep habarlaıdy QazAqparat tilshisi.

Bul jaıly Shyǵys Qazaqstan oblysynyń ákimi Danıal Ahmetov Instagram jelisindegi jeke paraqshasynda jazdy.

«2020 jyly Óskemende 55 aýla jóndeldi. Jabyndysy bar balalar men sport alańdary ornatyldy, avtoturaqtar jasaldy. Al 19-ynshy shaǵynaýdanda jańa alleıa turǵyndardyń súıikti demalys oryndarynyń birine aınaldy. Jaqyn arada munda bizdiń jerlesimiz, Uly Otan soǵysynyń ardageri Qasym Qaısenovke eskertkish ornatylady», - dedi ol.

Aımaq basshysynyń aıtýynsha, 19-ynshy shaǵynaýdandaǵy negizgi qurylys nysany – Gematologııa ortalyǵy. Qan aýrýlaryn dıagnostıkalaý men emdeýden basqa, ortalyq qan aýrýlarynyń aldyn alý jáne gematologııalyq naýqastardy ońaltýmen aınalysady.⠀

«Zerek» kreatıvti bilim berý ortalyǵyndaǵy zamanaýı jabdyqtar balalarǵa IT tehnologııa tilin tereń meńgerýge jáne básekege qabiletti bolýǵa múmkindik beredi. Munda kreatıvti kózqarasy bar jas oqytýshylar jumys isteıdi. Ahmer aýylyndaǵy jańa mektep oryn tapshylyǵy máselesin sheshti. Eski bilim shańyraǵynda balalar 3 aýysymda oqyǵan edi. Munda keń kabınetter, akt zaly, ashana, sportzal bar. Jalpy Óskemende MJÁ baǵdarlamasy jobalarynyń sátti jumys istep jatqany qýantady. Jaqyn arada eki jańa balabaqsha búldirshinderge óz esigin aıqara ashpaq», - dedi Danıal Ahmetov.

Esterińizge sala ketsek, osyǵan deıin Óskemende qazan aıynda Pýlmonologııa ortalyǵy ashylatyndyǵyn habarlaǵan bolatynbyz.

Joǵary qaraı