Aýa raıy
Astana 22 °S
Almaty 24 °S
valıýta baǵamy
USD 412.55
EUR 468.66
RUB 5.79
CNY 58.80

Óskemende akvapark salynýy múmkin

2019 jyldyń 31 qazan 2019 12:31

ÓSKEMEN. QazAqparat – Óskemende akvapark salynýy múmkin, dep habarlaıdy QazAqparat tilshisi.

Shyǵys Qazaqstan oblysynyń ortalyǵynda ótken Investıtsııalyq forýmda osyndaı usynys aıtyldy.

«Qazirgi ýaqytta qala ishinde akvaparkke eshqandaı básekelestik joq. Sol sebepti, mol tabysqa jetýge bolady. Tek qyzmet kórsetý sapasy jaqsy bolsa, durys jolǵa qoıylsa, jetkilikti», – dedi jeke kásipkerlerdiń biri.

Aıta keteıik, sońǵy ýaqytta óskemendikter áleýmettik jelilerde akvapark týraly jıi sóz qozǵaýda. Demalystyń naqty osy túri suranysqa ıe nysandardyń kóshin bastap tur deýge bolady.

Atalmysh jobaǵa úlgi retinde AQSh-ta salynǵan sýly syrǵanaq usynyldy. Sondaı-aq akvaparkpen birge túrli ekstremaldy kóńil kóterý ortalyqtary ashylýy múmkin.

Eske salaıq, buǵan deıin Óskemende Investıtsııalyq forým ótetindigin jáne onyń baǵyttaryn jazǵan edik.

Joǵary qaraı