Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende qaıta ashylǵan áýejaıdan qaı qalalarǵa qatynaýǵa bolady

2021 jyldyń 5 qazan 2021 15:50

ÓSKEMEN. QazAqparat – Óskemende bıylǵy qazan aıynda óz jumysyn qaıta bastaǵan áýejaıdan qaı qalalarǵa ushýǵa bolatyndyǵy belgili boldy, dep habarlaıdy QazAqparat tilshisi.

Óskemen qalasyndaǵy áýejaıda aýqymdy rekonstrýktsııalaý jumystary osydan 5 aı buryn bastalǵan. Qazirgi tańda ushyp-qoný jolaǵyn 2 500 metrden 2 800-ge deıin uzartý jáne IKAO I sanatyna sáıkes zamanaýı jaryq-sıgnaldyq jabdyqty ornatý boıynsha jumystar aıaqtaldy.

«Qazaqstannyń avıatsııalyq ákimshiligi áýejaıdy paıdalanýǵa ruqsat berdi. Sóıtip, osy qazan aıynan bastap áýejaı qaıta ashyldy. Jobada rýldeý joldaryn, perrondy, turaqty jáne perımetr boıynsha kúzettik jaryqtandyrý jáne beınebaqylaý oryndaryn rekonstrýktsııalaý, júk termınalyn, ýaqytsha saqtaý qoımasy men garaj salý kózdelgen. Joba jyl sońyna deıin aıaqtalady dep josparlanyp otyr», - dep habarlady QR Indýstrııa jáne ınfraqurylymdyq damý mınıstrliginen.

Búginde áýejaıdan:

- Nur-Sultan qalasyna (Eır Astana - aptasyna 7 reıs, Skat - aptasyna 4 reıs, Qazaq Air - aptasyna 2 reıs);

- Almaty shaharyna (Eır Astana - aptasyna 7 reıs, Skat - aptasyna 7 reıs, Qazaq Air - aptasyna 4 reıs);

- Qaraǵandy qalasyna (Qazaq Air - aptasyna 2 reıs) ushýǵa bolady.

Sonymen qatar 7 qazannan bastap Zaısan qalasyna (Aptasyna 2 ret) reıs qaıta jandanady.

Eske salaıyq, osyǵan deıin Óskemende jańartylǵan áýejaıdyń qaıta ashylǵanyn habarlaǵan bolatynbyz.


Joǵary qaraı