Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende kóshede er adamdy birneshe jerden pyshaqtap ketken

2021 jyldyń 3 jeltoqsan 2021 13:14

ÓSKEMEN. QazAqparat – Óskemen qalasynda kóshede birneshe jerden pyshaqtalǵan er adam tabyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, polıtsııaǵa Nazarbaev dańǵyly boıynda belgisiz er adamnyń jatqany týraly habar kelip tústi. Oqıǵa ornyna jetken polıtseıler onyń 35 jastaǵy shahar turǵyny ekenin anyqtaǵan. Eki jaq keýdesine pyshaq kirgen azamat aýrýhanaǵa jetkizildi.

«Jedel-izdestirý sharalaryn júrgizgen polıtsııa qyzmetkerleri kúdikti retinde zardap shegýshiniń 48 jastaǵy tanysyn ustady. Tergeý barysynda sol kúni keshke er adamdardyń alkogoldi ishimdik ishkeni belgili boldy. Kenet ekeýi sózge kelmeı qalǵanda kúdikti qolyna pyshaq alyp, jábirlenýshige birneshe ret suǵyp jibergen», - delingen aqparatta.

Atalǵan fakti boıynsha QR QK-niń 106-baby 1-bóligine sáıkes sotqa deıingi tergeý amaldary bastaldy.


Joǵary qaraı