Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Óskemende qysta jol tazartatyn jańa tehnıkalar satyp alynýda

2022 jyldyń 17 qańtar 2022 21:30

ÓSKEMEN. QazAqparat – Óskemen qalasynda qysta jol tazartýǵa arnalǵan jańa tehnıkalar satyp alyndy, dep habarlaıdy QazAqparat tilshisi.

Qalalyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń málimetine súıensek, «Taza Óskemen» KMK-ǵa jańa tehnıkalar alynýda.

«Byltyr kásiporyn parki 17 zamanaýı tehnıkamen tolyqty. Eń áýeli qala kóshelerin tazalaý protsesin aıtarlyqtaı jedeldetken eki ıtalıandyq vakýýmdi sypyrý-jınaý kóligi satyp alynǵan. Qazirgi ýaqytta jaıaý júrginshilerge arnalǵan joldy tazalaıtyn arnaıy 5 traktor táýlik boıy jumysqa tartylyp otyr. Sonymen qatar bes jańa MTZ traktory da paıdalanýǵa berilgen», - dedi bólimniń baspasóz hatshysy Vladımır Zemlıanskıı.

Qysta da, jazda da jumysqa tartylatyn 5 KamAZ kóligi de tehnıkalar qataryn tolyqtyrǵan. Barlyq jańa tehnıka joǵary tıimdilikti kórsetýde. Avtoparkti jańartý jumystary kelesi jyly da jalǵasady.


Joǵary qaraı