Aýa raıy
Astana 24 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

Óskemende memlekettik balabaqshalardy jeke kásipkerler basqarady

2019 jyldyń 23 qazan 2019 13:21

ÓSKEMEN. QazAqparat – Óskemende memlekettik balabaqshalar jeke kásipkerlerdiń basqarýyna beriledi, dep habarlaıdy QazAqparat tilshisi.

Shyǵys Qazaqstan oblysynyń ortalyǵynda ótetin ınvestıtsııalyq forýmda qarastyrylatyn negizgi baǵyttardyń biri «Memlekettik-jekeshelik áriptestik jobalary men senimdi basqarý». Qala bıligi memlekettik balabaqshalardy jeke kásipkerlerge 10 jylǵa deıin basqarýǵa berýdi kózdep otyr. Bul ýaqyt aralyǵynda kásip ıesi balabaqshada jóndeý jumystaryn ózi júrgizip, qajetti jıhazdarmen jáne qural-jabdyqtarmen qamtamasyz etedi. Biraq balabaqsha aqysyn qymbattatyp jibere almaıdy.

– Balabaqsha aqysy óspeıdi. Sebebi atalmysh mekemeler memlekettiki bolyp qala beredi. Tek ýaqytsha basqarýǵa beriledi. Degenmen kásipker balabaqshada qosymsha aqyly qyzmetter usyna alady. Biz onyń balabaqsha isin damytýdaǵy josparlaryn shektemeımiz, – deıdi Óskemen qalalyq ekonomıka jáne bıýdjettik josparlaý bóliminiń basshysy Arman Muqtarqanuly.

Buǵan deıin habarlaǵanymyzdaı, Óskemende 30 qazan kúni ınvestıtsııalyq forým ótedi.

Joǵary qaraı