Aýa raıy
Astana 24 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

Óskemende Muqaǵalı Maqataev týraly kórkem fılm túsirilip jatyr

2019 jyldyń 14 qazan 2019 17:12

ÓSKEMEN. QazAqparat – «Qazaqfılm» kınostýdııasy Óskemende Muqaǵalı Maqatev týraly fılm túsirip jatyr. Bul aqparatty Óskemen qalasynyń ákimdigi rastady, dep habarlaıdy «QazAqparat» tilshisi.

Dálirek aıtsaq, túsirilim jumystary kóktemde bastalǵan bolatyn. Odan keıin Sankt-Peterbor, Almaty shaharlarynda jalǵasty. Qazaq ádebıetiniń klassıgi týraly kórkem fılmniń rejısseri — Bolat Qalymbetov. Onyń aıtýynsha, jańa kınokartınada aqyn ómiriniń sońǵy jyldary aıshyqtalmaq. Al Óskemenniń Stahanov, Metallýrg syndy kóshelerindegi eski úıler sol kezderge saı keletin kórinedi. Mamandar kúzgi kórinisterdi túsirip alý úshin shyǵys shaharyna qaıta at basyn buryp otyr.

Osyǵan baılanysty qaladaǵy tramvaılar ýaqytsha toqtatylǵanyn aıta keteıik. Turǵyndar úshin azdaǵan keleńsizdik týyndaǵanymen, kólik kompanııasy jolaýshylarǵa jaǵdaıdy túsindire aldy. Rels 30 mınýttan kúnine úsh ret jabylǵan eken.

– Qalamyzda Muqaǵalı Maqataev týraly fılmniń biraz bóligi túsirildi. Túsirildi deıtinimiz, búginmen aıaqtalyp otyr. Esterińizde bolsa, kóktemde de túsirilim jumystary júrgizilgen edi... Osyǵan baılanysty jol 30 mınýttan úsh márte jabyldy. Endi boldy. Keleńsizdik qaıtalanbaıdy, – dedi «Óskemen kólik kompanııasy» JShS-nyń basshysy Mıhaıl Chaıka.







Joǵary qaraı