Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Óskemende órt shyqqan kópqabatty úıden 18 adam evakýatsııalandy

2022 jyldyń 15 qańtar 2022 23:28

ÓSKEMEN. QazAqparat – Óskemen qalasynda órt shyqqan kópqabatty úıden 18 adam evakýatsııalandy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 15 qańtarda saǵat 20.30 shamasynda Shákárim dańǵylyndaǵy 4-qabatty turǵyn úıdegi páterlerdiń birinde órt shyqty.

«Oqıǵa ornyna órt sóndirýshiler kelgen kezde podez ishin kók tútin basqan. Olar qaýipsizdik maqsatynda 18 turǵyndy, onyń ishinde 6 balany dereý evakýatsııalady. Denesin kúıik shalǵan 63 jastaǵy úı ıesi men onyń ýlanǵan 37 jastaǵy qyzy aýrýhanaǵa jatqyzyldy. Kóp uzamaı TJD qyzmetkerleri jalpy aýdany 8 sharshy metrdi quraǵan tilsiz jaýdy tolyqtaı aýyzdyqtady», - delingen aqparatta.

Qyzyl jalyndy óshirýge jeke quramnan 18 adam men 6 tehnıka jumyldyrylǵan. Aldyn ala málimet boıynsha órttiń shyǵý sebebi – temeki shegý kezindegi abaısyzdyqtan bolýy múmkin.


Joǵary qaraı