Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende órt shyqqan kópqabatty úıden 30 adam qutqaryldy

2021 jyldyń 2 jeltoqsan 2021 12:19

ÓSKEMEN. QazAqparat – Óskemen qalasynda órt shyqqan kópqabatty úıden 30 adam, onyń ishinde 14 bala qaýipsiz jerge shyǵaryldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Kókjal Baraq kóshesindegi kópqabatty úıdiń birinshi qabatyndaǵy páterde órt shyqty. Oqıǵa ornyna qutqarýshylar shuǵyl kelgende podez ishin kók tútin tumshalaǵan.

«Olar birden 30 turǵynǵa, onyń ishinde 14 balaǵa ottegi maskasyn kıgizip, avtosaty arqyly qutqardy. Órtti sóndirýge 30 adam men 8 tehnıka jumyldyrylǵan. Aldyn ala málimet boıynsha qyzyl jalynnyń shyǵýyna – balalardyń otpen oınaýy sebep boldy», - delingen aqparatta.




Sondaı-aq Protozanov kóshesindegi kópqabatty úı turǵyndar 9-qabattaǵy páterden shyqqan tútindi baıqaǵan. Olar dereý «101» qyzmetine habarlasty. Oqıǵa ornyna kelgen órt sóndirýshiler sol páterge kirgende janyp jatqan jıhazdy kórgen.

«Іshte eshkim bolmaı shyqty. Qaýipsizdik maqsatynda órt sóndirýshiler alty adamdy evakýatsııalap, «Vahta» avtokóligine ornalastyrdy. Kóp uzamaı jalpy aýdany 6 sharshy metrge jetken tilsiz jaý tolyqtaı aýyzdyqtaldy», - delingen habarlamada.


Joǵary qaraı