Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende órt shyqqan úıden áıel men bala qutqarylyp, 8 adam evakýatsııalandy

2021 jyldyń 5 jeltoqsan 2021 10:51

ÓSKEMEN. QazAqparat – Óskemen qalasynda órt shyqqan úıden áıel men bala qutqarylyp, 8 adam evakýatsııalandy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, búgin saǵat 07:41-de Slavskıı atyndaǵy jaǵalaý kóshesindegi kópqabatty úıde órt shyqqany jaıly habar túsken. Oqıǵa ornyna órt sóndirýshiler shuǵyl kelip jetti.

«12 qabatta ornalasqan páterdiń lodjııasy órtengen. Ottegi maskasynyń kómegimen sol páterden eki adam qutqaryldy, onyń ishinde 1 bala bar. Sondaı-aq kópqabatty úıden 8 adam evakýatsııalanyp, «Vahta» kóligine ornalastyryldy. Tilsiz jaýdyń shyǵý sebebi anyqtalýda», - delingen aqparatta.

Kóp uzamaı qutqarýshylar jalpy aýdany 25 sharshy metrge jetken qyzyl jalyndy tolyqtaı aýyzdyqtady.


Joǵary qaraı