Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Óskemende polıtsııa qyzmetkerine dóreki minez tanytqan er adam qamaýǵa alyndy

2022 jyldyń 27 qańtar 2022 16:00

ÓSKEMEN. QazAqparat – Óskemen qalasynda polıtsııa qyzmetkerine til tıgizgen er adam qamaýǵa alyndy, dep habarlaıdy QazAqparat tilshisi.

Óskemende polıtsııa qyzmetkerine dóreki minez kórsetken mas turǵynnyń vıdeosy jelige taraǵan edi.

Onda er adam tártip saqshysyn balaǵattap, arandatpaq bolǵan.

Qalalyq Polıtsııa basqarmasy baspasóz qyzmetiniń málimetine súıensek, búgin quqyq buzýshyǵa qatysty sot sheshimi shyqty.

«Aıyptalýshyǵa qatysty QR ÁQBtK-niń 667-baby 1-bóligine (Quqyq qorǵaý nemese arnaýly memlekettik organ qyzmetkeriniń zańdy buıryǵyna nemese talabyna baǵynbaý) sáıkes is qozǵalǵan. Sot sheshimi boıynsha ol bes táýlikke qamaýǵa alyndy», - delingen aqparatta.

41 jastaǵy azamat óz kinásin moıyndap, jasaǵan áreketine ókinish bildirgen.


Joǵary qaraı