Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende psıhotroptyq zattardy saýdalaǵan eki qaraǵandylyq ustaldy

2021 jyldyń 24 aqpan 2021 21:20

ÓSKEMEN. QazAqparat – Óskemen qalasynda psıhotroptyq zattardy saýdalaǵan Qaraǵandy oblysynyń eki turǵyny ustaldy, dep habarlaıdy QazAqparat tilshisi.

ShQO PD Esirtki qylmysyna qarsy kúres basqarmasy men Ulttyq ulannyń «Shyǵys» óńirlik qolbasshylyǵy birlesip 26 jáne 23 jastaǵy Qaraǵandy oblysynyń eki turǵynyn quryqtady. Olar Óskemennen páter jaldap, psıhotroptyq zattardy áleýmettik jeli arqyly saýdalaǵan.

«Páterdi tintý kezinde psıhotroptyq zattyń 1000-nan astam bir rettik dozasy tabyldy. Kúdiktiler ýaqytsha ustaý ızolıatoryna qamaýǵa alynǵan. Tárkilengen psıhotroptyq zattardyń «qara naryqtaǵy» baǵasy 12 mln teńgeni quraıdy», - dep habarlady ShQO Polıtsııa departamentiniń baspasóz qyzmeti.

Qazirgi ýaqytta QR Qylmystyq Kodeksiniń 297-baby 3-bóligi boıynsha sotqa deıingi tergeý júrgizilýde. Kúdiktiler 15 jylǵa deıin bas bostandyǵynan aıyrylýy múmkin.


Joǵary qaraı