Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende tútindegen páterde esinen tanyp qalǵan er adam qutqaryldy

2021 jyldyń 20 qazan 2021 10:05

ÓSKEMEN. QazAqparat – Óskemen qalasynda qutqarýshylar tútin tumshalaǵan podezden 7 adamdy evakýatsııalap, páterde es-tússiz jatqan er adamdy alyp shyqty, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Slavskıı jaǵalaýy kóshesindegi kópqabatty úı turǵyndary «101» qyzmetine habarlasyp, podez ishi tútindep ketkenin aıtqan. Oqıǵa ornyna jedel kelgen órt sóndirýshiler barlaý júrgizip, tútinniń ekinshi qabattaǵy páterden shyqqanyn anyqtady.

«7 turǵyn evakýatsııalanǵannan keıin qutqarýshylar páterge kirip, es-tússiz jatqan er adamdy tapty. Órt sóndirýshiler zardap shegýshini birden taza aýaǵa shyǵardy. Apattar medıtsınasy ortalyǵynyń dárigerleri oǵan alǵashqy medıtsınalyq kómek kórsetti. Qazirgi ýaqytta azamat birinshi qalalyq aýrýhanaǵa jetkizilgen», - delingen aqparatta.




Kóp uzamaı órt sóndirýshiler jalpy aýdany 4 sharshy metrdi quraǵan qyzyl jalyndy aýyzdyqtady. Tilsiz jaýdyń neden shyqqany ázirge belgisiz.





Joǵary qaraı