Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende vaktsına alǵandar arasynda turmystyq tehnıka oınatylady

2021 jyldyń 18 qazan 2021 17:25

ÓSKEMEN. QazAqparat – Óskemen qalasynda koronavırýsqa qarsy vaktsına alǵandar arasynda turmystyq tehnıka oınatylady, dep habarlaıdy QazAqparat tilshisi.

Qala ákimdiginiń málimetine súıensek, utys oıyny COVID-19 ınfektsııasyna qarsy vaktsınanyń I komponentin 10 qyrkúıek pen 1 qazan aralyǵynda alǵan 18 jastan asqan Óskemen turǵyndary arasynda ótkiziledi.

Qatysýshylar «iPhone» jáne «Samsung» smartfondaryn, teledıdar, tońazytqysh, noýtbýk nemese mıkrotolqyndy pesh utyp ala alady.

«Utys oıynyna qatysý úshin vaccine-uk.kz saıtyna kirip, tolyq aty-jónińizdi, uıaly telefon nómirińizdi jáne vaktsına alǵan jerdi kórsetýińiz kerek. Talap boıynsha qatysýshy Óskemendegi emhanalardyń birine tirkelgen bolýy shart», - delingen aqparatta.

Jeńimpazdar 18 qazan saǵat 18.00 kezinde Instagram jelisindegi @akimatoskemen paraqshasynda tikeleı efırde anyqtalmaq.


Joǵary qaraı