Aýa raıy
Astana -22 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende jasóspirimder úıiniń tárbıelenýshisi týystarynyń úıine qashyp ketti

2020 jyldyń 18 qazan 2020 10:00

ÓSKEMEN. QazAqparat – Óskemen qalasynda jasóspirimder úıiniń tárbıelenýshisi týystaryna qashyp ketken, dep habarlaıdy QazAqparat tilshisi.

Qalalyq polıtsııa basqarmasy baspasóz qyzmetiniń málimetine súıensek, 14 qazan tún kezinde jasóspirimder úıiniń basshylyǵy Úlbi polıtsııa bólimshesine júgingen. Olardyń aıtýynsha, 17 jastaǵy tárbıelenýshi joǵalyp ketken.

«Polıtsııa maıory Azamat Mamyrhanov pen polıtsııa kapıtany Ásem Suraýjanova dereý jasóspirimniń otbasy jaıly maǵlumat jınady. Anyqtalǵandaı, tárbıelenýshi Katonqaraǵaı aýdany Solonovka aýylyndaǵy týystarynyń úıine ketip qalǵan. Tártip saqshylary 15 qazan kúni ony jasóspirimder úıine jetkizdi», - dep habarlady vedomstvo ókilderi.

Boıjetken stıpendııasyn alyp Solonovka aýylyna qaraı baǵyt alǵan kólikke mingesip ruqsatsyz ketkenin aıtty.

«Qazaqstan Respýblıkasynyń qoldanystaǵy zańnamasyna jáne bizdiń mekemeniń ishki tártibine oraı tárbıelenýshilerdiń qozǵalysyn shekteýge tyıym salynady. Olar muǵalimniń ruqsatynsyz mekemeden basqa jaqqa shyǵyp kete alady. Alaıda eshkimge eskertpeı týystarynyń jáne dostarynyń úıine qoný, telefondy sóndirip tastaý múlde durys emes», - deıdi «Jasóspirimler úıi» MM basshysynyń orynbasary Janna Boshaeva.


Joǵary qaraı