Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Óskemende joǵalyp ketken 12 jasar jetkinshek tabyldy

2022 jyldyń 21 qańtar 2022 13:31

ÓSKEMEN. QazAqparat – Óskemen qalasynda polıtseıler joǵalyp ketken 12 jasar jetkinshekti tapty, dep habarlaıdy QazAqparat tilshisi.

Qalalyq polıtsııa basqarmasy baspasóz qyzmetiniń málimetine súıensek, 20 qańtarda polıtseılerge 34 jastaǵy áıel adam júgindi.

Óz sózinde ol kámeletke tolmaǵan ulynyń joǵalyp ketkendigin jetkizgen.

«Áıel saǵat 14:00 shamasynda úıden aýlaǵa serýendeýge ketken ulynyń sol kúıi oralmaı, birneshe saǵat boıy habar-osharsyz ekendigin aıtty. Dereý oqıǵa ornyna jedel-tergeý toby jiberilgen. Іzdestirý sharalary barysynda joǵalǵan oqýshynyń júrgen jeri anyqtaldy. Belgili bolǵandaı, 12 jasar jetkinshek anasyna renjip, úıden ketip qalǵan. Polıtsııa qyzmetkerleri balany qaladaǵy saýda úıleriniń birinen tapty», - dedi basqarma bastyǵy Andreı Mýla.

Qazirgi ýaqytta bala anasyna jetkizildi. Óz kezeginde áıel ulyn izdeýge qatysqan tártip saqshylaryna alǵysyn bildirdi.



Joǵary qaraı