Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende jynystyq sıpattaǵy qylmys jasaǵandar sany kúrt ósti

2021 jyldyń 17 qyrkúıek 2021 20:54

ÓSKEMEN. QazAqparat – Óskemen qalasynda bıyl kámelettik jasqa tolmaǵan qyzdardy zorlaý faktileri kúrt ósip ketti, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetine súıensek, óńir aýmaǵynda «Jasóspirim» jedel aldyn alý sharasy bastaldy. Sonyń aıasynda ókiletti organdar qyzmetkerleriniń qatysýymen dóńgelek ústel ótkizildi. Otyrysta kámeletke tolmaǵandarǵa qatysty qylmystarǵa jol bermeý jaıly sóz qozǵaldy.

«2021 jyly kámelettik jasqa tolmaǵandarǵa jynystyq sıpatta qylmys jasaǵandar sany kúrt ósti. Naqty aıtqanda, bıylǵy segiz aıda 16, al ótken jyly tek 3 qylmys tirkelgen bolatyn. Onyń ishinde 5 zorlaý, 8 kámeletke tolmaǵandarmen jynystyq qatynasqa túsý faktileri. 6 qylmys tolyq emes otbasyda jasalsa, eki qylmys ógeı ákelerimen birge turyp jatqan januıada tirkelgen», - dedi qalalyq PB bastyǵynyń birinshi orynbasary Oral Ryspaev.

Zardap shekkenderdiń jastary ár túrli. Kóbisi 13-ten asqan. Al eń kishkentaı qurbandar 7 jáne 8 jasta. Kazirgi ýaqytta atalǵan árbir qylmys boıynsha polıtsııa qyzmetkerleri tergeý amaldaryn júrgizip jatyr.


Joǵary qaraı