Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óskemendik muǵalimder men ata-analar Pfizer vaktsınasy jaıly pikirlerimen bólisti

2021 jyldyń 5 jeltoqsan 2021 17:56

ÓSKEMEN. QazAqparat – Óskemen qalasyndaǵy muǵalimder men ata-analar Pfizer vaktsınasy jaıly pikirlerimen bólisti, dep habarlaıdy QazAqparat tilshisi.

12-18 jas aralyǵyndaǵy oqýshylar men stýdentter Pfizer vaktsınasyn saldyrýda. Shyǵys Qazaqstanda atalǵan vaktsınamen egý naýqany 15 qarashada bastalǵan. Óskemen qalasyndaǵy № 39 orta mektep dırektory Gúlmıra Abıýrova da óz balalaryna ekpe saldyrýǵa kelisim bergen.

«Joldasym ekeýimiz balalardy vaktsınatsııalaý jón dep sheshtik. Óıtkeni ata-ana retinde mindetimiz – olardyń qaýipsizdigin qamtamasyz etý. Balalarymda ekpeden keıin janama áserler bolǵan joq. Osy rette, ata-analardy durys tańdaý jasaýǵa shaqyramyn. Tek vaktsına arqyly ǵana qalypty ómirge orala alamyz», - deıdi ol.

№ 19 orta mektep dırektory Qaırat Kıikbaev óz sózinde muǵalimder, ata-analar tolǵandyrǵan suraqtarǵa jaýap alý úshin medıtsına mamandarymen kezdesý uıymdastyrylǵanyn aıtty.

«Túsindirý jumystarynan keıin olardyń basym bóligi vaktsına alýǵa bel býdy. Onyń ishinde meniń 17 jastaǵy ulym da bar. Vaktsınatsııa densaýlyqty saqtaýdyń jalǵyz mehanızmi dep sanaımyn. Bizdiń mektepte muǵalimderdiń júz paıyzy ekpe saldyrǵan», - dedi ol.

Jasóspirimderdi vaktsınatsııalaý tek ata-analardyń nemese olardyń zańdy ókilderiniń jazbasha kelisimimen ǵana bilim berý uıymdarynyń medıtsınalyq kabınetterinde jáne emhanalar janyndaǵy vaktsınatsııa ortalyqtarynda júrgizilýde.

«Vaktsınatsııa balalar úshin óte mańyzdy. Vırýs barlyq jerde taralyp jatyr. Meniń ulym da ekpe aldy. Ol ózin jaqsy sezinedi, eshqandaı shaǵym joq. Barlyq ata-ana óz balasynyń densaýlyǵy úshin durys sheshim qabyldaýy kerek», - dep óz oıymen bólisti ata-analardyń biri Oksana Goncharova.


Joǵary qaraı