Aýa raıy
Astana -2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Óskemendik oqýshy ınformatıkadan halyqaralyq olımpıadada júldeger atandy

2020 jyldyń 26 qyrkúıek 2020 12:55

ÓSKEMEN. QazAqparat – Óskemendik oqýshy ınformatıkadan halyqaralyq olımpıadada kúmis medal enshiledi, dep habarlaıdy QazAqparat oblystyq aqparat ortalyǵyna silteme jasap.

Vedomstvonyń málimetinshe, ınformatıkadan 32-halyqaralyq olımpıada 2020 jyldyń 13-19 qyrkúıegi aralyǵynda onlaın rejımde ótti. Jarysqa álemniń 80-nen astam memleketinen kelgen komandalar qatysqan.

QR ulttyq quramasynyń sapynda ekinshi jyl qatarynan respýblıkalyq olımpıadalardyń, bedeldi halyqaralyq olımpıadalardyń birneshe dúrkin jeńimpazy, Óskemen qalasy, daryndy balalarǵa arnalǵan oblystyq mamandandyrylǵan «Bilim-ınnovatsııa» lıtseıiniń túlegi – Temirlan Baıbolov qatysty.





Olımpıada eki aınalym boıynsha ótkizildi. Báseke barysynda qatysýshylar ınformatıka men AKT boıynsha túrli qabiletterin kórsetip, algorıtmdik esepter oryndady.

Olardyń jumystaryn, quramyna qatysýshy memleketterdiń ókilderi engen halyqaralyq ádilqazylar alqasy baǵalady.





Olımpıadanyń qorytyndysy boıynsha Qazaqstan quramasy atynan jarysqa barǵan 4 qatysýshynyń ishinen Temirlan Baıbolov joǵary bilimin kórsetip, kúmis medal ıesi atandy.


Basty sózder: Bilim, Shyǵys Qazaqstan oblysy,
Joǵary qaraı