Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Otandyq  farmatsevtıkalyq zaýyt  jylyna 90 mln quty ınektsııalyq eritindi shyǵarady

2020 jyldyń 21 qazan 2020 17:20

ALMATY.QazAqparat – Almaty oblysynyń, Qarasaı aýdanynda ornalasqan farmatsevtıkalyq zaýyt jylyna 90 mln quty ınektsııalyq eritindi shyǵarady, dep habarlaıdy QazAqparat tilshisi.

Qazirgi ýaqytta elimizdegi farmatsevtıkalyq ónimderdiń iri óndirýshisi bolyp sanalatyn zaýyttyń qýaty ishki naryqty tolyq kólemde dárilik ónimmen qamtamasyz etý úshin jetkilikti kólemde ınektsııalyq eritindiler óndirýge múmkindik beredi. Ónim óndirýdiń jyldyq kólemine júz elýden astam ataý engizilgen. Kásiporynnyń óndiristik qýaty jylyna 90 mln quty ınektsııalyq eritindini quraıdy.

Qazirgi ýaqytta barsha álemdi jaılaǵan dert jeke qorǵaný quraldarymen jáne barlyq qajetti dári-dármektermen jetkilikti qamtamasyz etý úshin jeke resýrstardyń bolýy qanshalyqty mańyzdy ekendigin kórsetti. Otandyq farmatsevtıkalyq óndiristi damytýda memlekettiń qoldaýy jáne qazaqstandyq dárilik zattardy óndirýshilermen uzaq merzimdi sharttar jasasý jónindegi «SQ-Farmatsııa» JShS jobasyn iske asyrý sheshýshi ról atqardy. Yntymaqtastyqtyń mundaı túri otandyq óndirýshiler óndiretin dárilik zattar nomenklatýrasynyń tizimin keńeıtýge múmkindik beredi.

Búginde kásiporynda 420 adam eńbek etedi. Zaýyt qyzmetkerleri jumysqa qabyldanatyn árbir maman úshin farmatsevtıkalyq ónerkásip, ǵylymı zertteýler men ázirlemeler salasynda oqytý júrgizedi. Sonymen qatar, óndiris oshaǵy S.D. Asfendııarov atyndaǵy medıtsına ýnıversıtetimen shart jasasty. Osylaısha oqý ornynyń túlekteri Qytaıda biliktiligin arttyrý boıynsha taǵylymdamadan ótip, bilimderin shyńdaıdy.


Avtor Alma Muqanova
Basty sózder: Medıtsına, Almaty,
Joǵary qaraı