Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Otandyq kitaptardyń 50 paıyzdan astamy balalar men jasóspirimderge arnalǵan

2021 jyldyń 15 qazan 2021 15:30

NUR-SULTAN. QazAqparat – Qazaqstanda jaryq kórip jatqan kitaptardyń 50 paıyzdan astamy balalar men jasóspirimderge arnalǵan. Bul týraly QR Mádenıet jáne sport mınıstri Aqtoty Raıymqulova málim etti, dep habarlaıdy QazAqparat tilshisi.

«Búginde balalar men jasóspirimderdiń kitap oqýǵa degen qyzyǵýshylyǵyn arttyrý baǵytynda birqatar sharalar júrip jatyr. Sonymen qatar oqý, jazýǵa yntaly jas talanttardy da qoldaýǵa asa mán berilýde. Búginde elimizde shyǵatyn kitaptardyń 50 paıyzdan astamy balalar men jasóspirimderge arnalǵan. Jáne sońǵy shyǵyp jatqan kitaptarda arnaıy QR kod bar, ol balalarǵa oqýǵa yńǵaılylyq úshin jasalyp otyr. ıAǵnı qajet jaǵdaıda kitapty elektrondy formatta da oqı alady. Bul baǵyttaǵy jumystar jalǵasyn tabady», - dedi Aqtoty Raıymqulova elordada ótip jatqan ulttyq mektep sport lıgasy barysynda.

Sondaı-aq, mınıstr balalar shyǵarmashylyǵyn damytýǵa arnalǵan sharalarǵa toqtalyp ótti.

«Búgin elordada «Jas qalamger» balalar men jasóspirimderge shyǵarmashylyq baıqaý qorytyndylandy. Elimizge tanymal aqyn, jazýshylar balalarǵa dáris oqyp, ádebıet salasyna jol ashyp berdi. Odan bólek, jýyrda ǵana «Er tóstik» ádebı festıvali de óz máresine jetti. Oǵan ár óńirden daryndy balalar qatysyp, baq synady. Ol jerde balalar men jasóspirimderdiń úzdik degen avtorlyq shyǵarmalary aıqyndaldy. Elimizde shyǵarmashyl talanttar jetkilikti jáne biz olardy qoldaýǵa ázirmiz», - deıdi ol.


Avtor Álı Ibraev
Basty sózder: Ádebıet, Ǵylym, Qoǵam,
Joǵary qaraı