Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Otandyq kóliktiń qymbattaýyna syrttan keletin qosalqy bólshekter sebep boldy

2022 jyldyń 12 sáýir 2022 12:43

NUR-SULTAN. QazAqparat – Qazaqstanda qurastyrylǵan jeńil kólik baǵasynyń qymbattaýyna shetelden keletin qosalqy bólshekter sebep bolyp otyr. Bul týraly QR Indýstrııa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy QazAqparat tilshisi.

Búgin Úkimet otyrysynan shyqqan mınıstrge BAQ ókilderi otandyq kólik baǵasynyń sharyqtap ketkenin alǵa tartyp, onyń sebebin suraǵan bolatyn.

Mınıstrdiń sózine qaraǵanda, elimizde qurastyrylatyn kólik baǵasynyń kóterilýine shetelden keletin bólshekterdiń qymbat bolýy áser etip otyr.

«Bıyldan bastap ár kólik shyǵaryp jatqan zaýytqa óz baǵdarlamasyn bekittik. Qaı jyly jáne qandaı ónimder (kóliktiń qosalqy bólshekteri) óz ishimizde shyǵarylýy kerektigin anyqtadyq. Ókinishke qaraı ony tez arada almastyrý múmkin emes. Ár shyǵaratyn qosalqy bólshekke sheteldik zaýyttan sertıfıkat alýymyz kerek. Mysaly, Hıýndaı kóligi bolsa, onyń ishine salynatyn zatty shyǵaratyn bolsaq, onda «sizderdiń kólikterińizge óz bólshekterimizdi salýǵa bola ma» dep ruqsat alýymyz kerek. Al oǵan uzaq ýaqyt ótedi. ıAǵnı, másele qolymyzdan kelmegennen emes, tirkeý rásimderi óte uzaqqa sozylyp jatqandyǵynda», - dep túsindirdi Qaıyrbek Óskenbaev.

Sonymen qatar ol quny 10 mln teńgege deıingi otandyq kólikterdi satyp alýǵa 4 paıyzdyq jeńildikpen nesıe beriletindigin atap ótti.

Osy oraıda tilshiler reseılikterdiń qazaqstandyq kólikterdi jappaı satyp alyp jatqanyn alǵa tartyp, olarǵa da nesıe jeńildikpen berilýi múmkin be ekendigin surady.

«Eń aldymen biz tek qazaqstandyqtarǵa ǵana kredıt beremiz. Sheteldikterge kredıt bereıik dep otyrǵanymyz joq», - dep jaýap berdi mınıstr.


Joǵary qaraı