Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Otandyq ónim óndirý kásiporyndarynda KPI ındıkatory engizildi

2021 jyldyń 23 qarasha 2021 15:06

NUR-SULTAN. QazAqparat – Elimizde ónerkásip oryndarynda jergilikti qamtý úlesin arttyrý maqsatynda KPI ındıkatory engizildi. Bul týraly QR Indýstrııa jáne ınfraqurylymdyq damý mınıstri Beıbit Atamqulov Úkimet otyrysynda málim etti, dep habarlaıdy QazAqparat tilshisi.

«Memlekettik satyp alýda jergilikti qamtý úlesin arttyrý maqsatynda otandyq ónerkásip salasynda nysanaly ındıkatorlar (KPI) belgilenip, engizildi. Atap aıtqanda, 2021 jylǵa arnalǵan jergilikti qamtýdyń ortasha úlesi mynadaı: qurylys materıaldaryn óndirý boıynsha 77,3%, jıhaz óndirisinde - 68,5%, jeńil ónerkásipte - 65,5%, tsellıýloza-qaǵaz salasynda - 53,7%, hımııada - 36,2%, farmatsevtıkada - 32,3% jáne mashına jasaýda - 19,5%-dy quraıdy», - dedi Beıbit Atamqulov.

Sondaı-aq, mınıstr otandyq taýar óndirýshilerge kórsetiletin qoldaýdyń baryn alǵa tartty.

«Ulttyq ekonomıkany damytý strategııasyn iske asyrý aıasynda otandyq óndirýshilerdi qoldaý úshin bizdiń mınıstrlik júıeli sharalar qabyldap jatyr. Atap aıtqanda, búginde halyqaralyq mindettemelerge sáıkes otandyq óndirýshilerdi qoldaýdyń mehanızmderi ázirlendi. Jańa shara ishki naryqty qamtamasyz etý men uzaq merzimdi tapsyrysty oryndaýǵa baǵyttalǵan. Osy oraıda bizdiń mınıstrlik naryqtaǵy sýbektilerdiń satyp alý júıesine monıtorıng júrgizdi», - deıdi ol.

Buǵan deıin vedomstvo basshysy Qazaqstanda iri munaı operatorlary birlesip jol kartasyn bekitkenin aıtty.

Sondaı-aq, otandyq taýar ónimi úlesin arttyrý maqsatynda aldaǵy jyldary birneshe jańa kásiporynnyń salynatyny málim etildi.

Odan bólek, B. Atamqulov elimizdegi kómir jetispeýshiligine qatysty pikir bildirdi.


Joǵary qaraı