Aýa raıy
Astana 0 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Otbasylyq-turmystyq zorlyq-zombylyqqa qarsy is-qımyl týraly Ulttyq baıandama ázirlenedi

2020 jyldyń 23 qyrkúıek 2020 11:57

NUR-SULTAN. QazAqparat – Qazaqstanda otbasylyq-turmystyq zorlyq-zombylyqqa qarsy is-qımyl týraly Ulttyq baıandama ázirlenedi. Bul týraly QR Aqparat jáne qoǵamdyq damý vıtse-mınıstri Ashat Oralov málim etti, dep habarlaıdy QazAqparat tilshisi.

«Otbasylyq-turmystyq zorlyq-zombylyqqa qarsy is-qımyl týraly» zań jobasynda otbasy máseleleri jónindegi ýákiletti organdy aıqyndap, onyń osy saladaǵy quzyretin bekitý kózdelgen bolatyn. Zań jobasyna sáıkes, ýákiletti organ memlekettik otbasylyq saıasat salasyndaǵy basshylyqty jáne salaralyq úılestirý jumysyn atqaratyn bolady. Qazirgi kezde osy baǵytta jetkilikti ınstıtýtsıonaldyq baza quryldy. Bizdiń mınıstrlikte jastar jáne otbasy komıteti jumys isteýde, onyń ishinde arnaıy otbasy máselelerimen aınalysatyn jeke basqarma quryldy. Sonymen qatar Bilim jáne ǵylym mınıstrliginde balalar quqyqtaryn qorǵaý komıteti qyzmet etýde», - dep toqtaldy vıtse-mınıstr.

Ashat Oralovtyń aıtýynsha, 2021 jyldan bastap memlekettik tapsyrys aıasynda Qazaqstandaǵy otbasylyq-turmystyq zorlyq-zombylyqqa qarsy is-qımyl týraly Ulttyq baıandama ázirlenedi.

«Bul Ulttyq baıandama otbasylyq-turmystyq zorlyq-zombylyqqa qarsy is-qımyl salasyndaǵy qabyldanatyn sharalardy, onyń ishinde problemalar men sheshý joldaryn, statıstıkalyq málimetterdi jáne taldaýdy qamtıdy. Atap aıtqanda, jyl saıyn osy Ulttyq baıandama Memleket basshysyna tanystyrylady», - dedi vıtse-mınıstr.


Joǵary qaraı