Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Otqa oranǵan páterden 2 balany qutqarǵan azamat marapattaldy

2021 jyldyń 10 mamyr 2021 19:54

ÓSKEMEN. QazAqparat – Shyǵys Qazaqstan oblysynda órtengen páterden 8 jáne 2 jastaǵy eki balany alyp shyqqan Fedor Gorıachkın marapattaldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, órt kezinde balalardy ajaldan arashalap qalǵan Shúlbi kentiniń turǵynyna QR Tótenshe jaǵdaılar mınıstriniń Alǵys haty berildi.

«6 mamyr kúni besqabatty turǵyn úıde órt shyqqan. Oqıǵa ornyna órt sóndirýshiler shuǵyl kelip jetti. Sol kezde jalyn tili birinshi qabatta ornalasqan páterdegi jıhaz ben jeke zattardy sharpyp jatty. Úsh ıindi baspaldaqtyń kómegimen ekinshi qabattaǵy 2 áıel qutqaryldy. Sondaı-aq podezden 15 turǵyn, onyń ishinde 5 bala evakýatsııalandy. Qutqarýshylar kelgenge deıin 1982 jylǵy azamat Fedor Gorıachkın janyp jatqan páterden 8 jáne 2 jasar eki balany shyǵaryp úlgergen», - delingen habarlamada.

Fedor syn saǵatta esh oılanbastan balalardy qutqarýǵa umtylǵan. Eki bala úıde jalǵyz qalǵan eken.

«Sol bir sátte oılanýǵa mursha bolmady. Kóz aldymda qos balanyń ómiri turdy. Jyldam áreket etýge tyrystym. Meniń ornymda bolsa kez kelgen azamat solaı ister edi. Sondyqtan ózimdi batyr sanamaımyn», - deıdi Fedor Gorıachkın.
Joǵary qaraı