Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ótken aptada Qazaqstanda 3059 qylmys tirkeldi

2021 jyldyń 18 qazan 2021 13:26

NUR-SULTAN. QazAqparat – Ótken aptada elimiz boıynsha 3059 qylmys tirkelgen. Onyń 515-i urlyq-qarlyq bolsa, 18 adam kisi qolynan ólim tapqan, dep habarlaıdy QazAqparat tilshisi.

Bul týraly Іshki ister mınıstrliginiń resmı ókili Nurdildá Oraz vedomstvonyń aqparat alańynda ótken olnaın brıfıngide aıtty.

«Bir apta ishinde 3059 qylmys jasaldy, onyń 2035-i táýlik ishinde ashyldy.

Polıtsııa qyzmetkerleri «izin sýytpaı» 11 kisi óltirýdi, 7 ólimge ákep soqqan densaýlyqqa qasaqana aýyr zııan keltirýdi, 4 qaraqshylyq, 42 tonaý jáne 515 bóten múlikti urlaý qylmystaryn ashty», - dedi ІІM ókili.

Atalǵan sharada shetelden ákelingen kólik ıeliriniń jolda júri tártibi týraly derekter aıtyldy. Mysaly, Qostanaı oblysynda «qyrǵyz nómirli» kólik 91 ret «Sergekke» túsken.

«Bul sanattaǵy jol qozǵalysyna qatysýshylardyń tártibine qatysty másele bar. Mysaly, Shyǵys Qazaqstan oblysynda 182 myń teńgeniń 25 uıǵarymy rásimdelgen Lexus anyqtaldy. Іshki ister qyzmetkerleriniń aralasýymen búkil aıyppul tólendi. Qostanaı oblysynda «VAZ» markaly bir kólikke 478 myń teńgeniń aıyppuly jazylǵan 51 uıǵarym rásimdelgen. Taǵy osy óńirde Qyrǵyz Respýblıkasynda tirkeýde turǵan Toyota Estimo kóligine 91 ret jol qaýipsizdigin buzǵany úshin 1,1 mln teńge aıyppul salynyp, túgel óndirildi. Pavlodar oblysynda Reseıde tirkeýi bar Hunday avtomobıliniń ıesi 69 ret jol erejesin buzyp, 751 myń teńge aıyppul tóledi», - dedi QR ІІM Ákimshilik polıtsııa komıteti tóraǵasynyń orynbasary Serik Túsipov.


Avtor Esimjan Naqtybaı
Basty sózder: QR ІІM, Zań, Qylmyspen kúres,
Joǵary qaraı