Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Ótken jyly atqarýshylyq is qujattary 69,9 paıyzǵa oryndaldy

2021 jyldyń 22 qańtar 2021 09:59

NUR-SULTAN. QazAqparat - 2020 jyly sot oryndaýshylardyń májbúrlep oryndaýynda 5 mln astam atqarýshylyq qujat boldy. Bul týraly QR Ádilet vıtse-mınıstri Almat Madalıev aıtty, dep habarlaıdy QazAqparat tilshisi.

«2020 jyly sot oryndaýshylardyń májbúrlep oryndaýynda 5 mln astam atqarýshylyq qujat boldy. ıAǵnı, óndirip alýshylardyń paıdasyna 7 trln teńge somasynan artatyn atqarýshylyq is júrgizýler qozǵaldy. Atqarýshylyq is qujattardyń oryndalýy 69,9 paıyzdy qurady. Osylaısha, mınıstrliktiń Strategııalyq josparynyń nysanaly ındıkatorlaryna qol jetkizýi qamtamasyz etildi», - dedi ol mınıstrliktiń keńeıtilgen alqa otyrysynda.

Onyń aıtýynsha, ótken jyldyń kóktem kezinde «Covid-19» koronavırýstyq ınfektsııaǵa qatysty engizilgen tótenshe rejımge qaramastan atqarýshylyq is júrgizý baǵyty boıynsha jumys aqaýsyz qamtamasyz etildi. Tótenshe jaǵdaı kezinde sot oryndaýshylarǵa ınfektsııanyń taralýyn boldyrmaý maqsatynda atqarýshylyq is júrgizý taraptarymen qatynasýdy azaıtyp, úıden shyǵarýǵa, qurylystardy buzýǵa qatysty protsessýaldyq áreketterdi keıinge qaldyrýǵa tapsyrma berildi.

«Osyndaı shekteýge qaramastan áleýmettik mańyzdy atqarýshylyq qujattardyń oryndalýy basymdyqta qala berdi. Olardyń oryndalýy atqarýshylyq is júrgizý organdarynyń avtomattandyrylǵan aqparattyq júıesi arqyly atqarýshylyq is-áreketterdi qashyqtyq rejıminde qamtamasyz etildi», - dedi Almat Madalıev.


Avtor Marlan Jıembaı
Basty sózder: Basqa memorgandar, Zań, Bankter,
Joǵary qaraı