Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Otstavkaǵa ketesiz be - Alekseı Tsoıdyń jaýaby

2021 jyldyń 16 maýsym 2021 15:20

NUR-SULTAN. QazAqparat – Osy jyldyń qyrkúıeginde 10 mln qazaqstandyq koronavırýsqa qarsy vaktsına alýy tıis. Jospar oryndalmasa Densaýlyq saqtaý mınıstri otstavkaǵa kete me? Bul saýalǵa QR Densaýlyq saqtaý mınıstri Alekseı Tsoıdyń ózi jaýap berdi, dep habarlaıdy QazAqparat tilshisi.

Ortalyq kommýnıkatsııalar qyzmetindegi brıfıng barysynda BAQ ókilderi mınıstrinen: «qyrkúıekte 10 mln qazaqstandyq koronavırýsqa qarsy vatsına almasa otstavkaǵa ketesiz be?» dep suraǵan bolatyn.

«Barlyǵy elimizdiń árbir azamatyna, onyń túsinýine baılanysty ekendigin aıtqym keledi. Vaktsınatsııa – erikti. Bul oraıda biz eshkimdi de májbúrleı almaımyz. Tek túsindirý saıasatyn, tek aqparattyq qoldaý ǵana júrgizemiz. Onyń ústine sizderdi de el azamattarynyń barynsha kópshiligin vaktsınamen qamtý úshin kómektesýge shaqyramyz», - dedi Alekseı Tsoı.

Sonymen qatar ol Úkimettiń kez kelgen múshesiniń jumysyna Memleket basshysy baǵa beretindigin atap ótti.

«Úkimettiń árbir múshesine qatysty kez kelgen másele Memleket basshysyna baılanysty. Sondyqtan jumys qalaı baǵalansa, solaı sheshim qabyldanatyn bolady», - dedi Alekseı Tsoı.


Joǵary qaraı