Aýa raıy
Astana 9 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

Otyrarda joǵalǵan boıjetken Almatydaǵy bazardan tabyldy

2020 jyldyń 7 tamyz 2020 15:05

TÚRKІSTAN. QazAqparat – Túrkistan oblysy, Otyrar aýdanynda 19 jastaǵy qyz iz-túzsiz joǵalyp ketken bolatyn. Boıjetkendi týystary izdep tappaǵan soń, polıtsııaǵa aryzdanǵan, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, boıjetkenniń aǵasy qaryndasynyń Sháýildir aýylyndaǵy aýrýhanaǵa kórinip kelemin degen syltaýmen ketip qalǵanyn jetkizgen. Alaıda qaıta oralmaǵan. Ony izdestirýge oblystyq PD –niń KPB men Otyrar APB qyzmetkerleri jumyldyrylǵan. Tártip saqshylary 10 kún boıy izdestirý sharalaryn júrgizip, nátıjesinde jas qyz aman-esen tabyldy.

Tekserý barysynda belgili bolǵandaı, qyzdyń Sháýildir aýrýhanasyna barmaǵandyǵy anyqtalǵan. Kerisinshe Almaty qalasynda bolýy múmkin ekendigi aıqyndalyp, birneshe polıtsııa qyzmetkerleri issaparmen sonda barǵan. 10 kúnnen astam júrgizilgen izdestirý jumystarynyń nátıjesinde qyz Almaty qalasyndaǵy bazarlardyń birinen tabyldy. Ol osy ýaqyt aralyǵynda kúnkóris maqsatynda jumys istep, Almaty qalasyndaǵy tanysymen páter jaldap turǵan. Qazirgi tańda polıtseıler keleńsiz jaǵdaıdyń sebep-saldaryn anyqtaýda.


Avtor Aınur Aqbaeva
Basty sózder: Túrkistan oblysy, Oqıǵa, QR ІІM,
Joǵary qaraı