Aýa raıy
Astana 5 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Otyrardaǵy Shámshi Qaldaıaqovtyń murajaıynda 120-dan astam jádiger qoıylǵan

2020 jyldyń 15 tamyz 2020 14:51

OTYRAR. QazAqparat – Túrkistan oblysynyń Otyrar aýdanyndaǵy qorjyn úı úlgisinde salynǵan Shámshi Qaldaıaqovtyń murajaıynda 120-dan astam jádiger qoıylǵan. Oblys ákimdiginiń ıdeıasy boıynsha ári demeýshilerdiń kómegimen ashylǵan murajaı úıi Shámshi Qaldaıaqov saıabaǵynda ornalasqan, dep habarlaıdy QazAqparat tilshisi.

Belgili kompozıtor halqymyzdyń bir týar azamaty Sh.Qaldaıaqovqa 90 jyl tolýyna oraıashylǵan murajaı úıinde kompozıtorǵa qatysty ári ózi tapsyrǵan zattary kópshilik nazaryna usynylǵan. Atap aıtqanda múshtigi, mondolınasy, Otyrardaǵy toı notasynyń túpnusqasy, baskıimi men qatar estelik sýretteri bar. Sondaı-aq, ákesi Qaldaıaq ustaǵa qatysty sandyqshasy men bilik tósi, qol sharyǵy jáne basqada qural saımandary men maıly boıaýmen salynǵan Sh.Qaldaıaqov pen Qaldaıaq ustanyń portreti bar. Bul nysan elimizde kompozıtor Shámshi Qaldaıaqovqa arnalnalǵan tuńǵysh ári jalǵyz murajaı sanalady. Túrkistan oblysy ákiminiń orynbasary Sáken Qalqamanovtyń aıtýynsha, bul murajaı úıin ashý týraly ıdeıa ótken jyly týyndaǵan.























«Arystyń ortasynda jolda júrgende, Shámshi Qaldaıaqov atyndaǵy shaǵyn aýylǵa kózim tústi. Birneshe kúnnen soń qolym qalt etkende sol aýylǵa soǵyp, uly kompozıtordyń balalyq shaǵy ótken, mandolınany alǵash úırengen úıiniń ornyn ǵana taptym. Dál sol kezde Shámshiniń mýzeı úıin salý týraly ıdeıa týyndady. Bul bastamany oblys basshysy Ómirzaq Shókeev birden qoldady. Otyrar aýdanynyń ákimimen birge Shámshiniń kózin kórgen, osy aýylda burynnan turatyn qarııalarmen sóılestik. Saz balshyqtan soǵylyp, tóbesi qamyspen jabylǵan shaǵyn úıdiń jobasyn daıarladyq. Sazgerdiń úıi túpnusqa qalpynda turǵanyn qaladyq. Mýzeı qurylysyna bıýdjetten aqsha bólingen joq. Demeýshiler qurylys materıaldaryna kómek berse, jergilikti turǵyndar Shámshiniń úıin erekshe yqylaspen salýǵa járdem berdi. Aýdan jáne aýyl halqy Shámshige qatysy bar qundy jádigerlerdi ákelse, QR Ulttyq mýzeıi jáne oblystyq mýzeı Shámshiniń áıgili qarakól bas kıimin, qoıyn dápterin, notalaryn, mandolına sekildi zattaryn tartý etti. Mýzeı ishine kirseń qazaqtyń talantty ulynyń shyǵarmashylyq qýatyn sezinesiń»,- dedi Sáken Qalqamanov.

Aldaǵy ýaqytta Shámshi muraǵatyn kútip-baptaý úshin mekeme oblystyq mýzeıdiń fılıaly retinde ashylyp, arnaıy shtat sanymen mamandary jumys isteıtin bolady dep josparlanyp otyr. Al, bolashaqta Shámshiniń ánin súıip tyńdaıtyndar men týrısterdi qyzyqtyratyn oryn bolary sózsiz.

Eske sala ketsek, búgin aty ańyzǵa aınalǵan sazger, qazaq valsiniń koroli Shámshi Qaldaıaqovtyń týǵanyna 90 jyl toldy. Sazgerdiń uly Muhtar Qaldaıaqov halyq ártisiniń ómiri men otbasylyq qundylyqtary týraly aıtyp berdi.

«Búgin elimizdiń Ánurany «Meniń Qazaqstanym» ániniń avtory, ult rýhanııatyna talaı syrly saz ben ásem áýen syılaǵan kompozıtor Shámshi Qaldaıaqovtyń týǵanyna 90 jyl toldy. Shámshi shyǵarmashylyǵy – ulttyń baǵa jetpes baılyǵy. Onyń týyndylaryn keńinen nasıhattaý – búgingi urpaqtyń paryzy», dep jazdy Qasym-Jomart Toqaev Twitter-degi paraqshasynda.

QR Mádenıet jáne sport mınıstrliginiń uıymdastyrýymen «Meniń Qazaqstanym» halyqaralyq mýzykalyq chellendji bastaldy. Áýendi marafon Qazaqstannyń halyq ártisi, QR Ánurany áýeniniń avtory Shámshi Qaldaıaqovtyń týǵan kúnine arnaldy.

Túrkistan oblysynyń Otyrar aýdanynda týyp-ósip, «qazaq valsiniń koroli» atanǵan Shámshi Qaldaıaqovqa týǵan jerinde mýzeı ashyldy.


























Avtor Aınur Aqbaeva
Basty sózder: Túrkistan oblysy, Mádenıet,
Joǵary qaraı