Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Otyrardan – Ulytaýǵa» tarıhı-aǵartýshylyq ekspedıtsııasy Qaraǵandy óńirinde júr

2021 jyldyń 13 maýsym 2021 13:57

ULYTAÝ. QazAqparat – Ulytaý aýdanyna «Otyrardan Ulytaýǵa» tarıhı- aǵartýshylyq ekspedıtsııasy keldi. Bul sapar Qazaqstan Respýblıkasy Táýelsizdiginiń 30 jyldyǵyna arnalyp otyr, dep habarlaıdy QazAqparat.

Ekspedıtsııa Alasha han men Joshy han kesenelerinde, «Dombaýyl» kesheninde, sondaı-aq Áýlıetaýda jáne Embulaq shatqalynda boldy.

Osydan keıin saıahatshylar sapar ortalyǵynda aımaq jurtshylyǵymen kezdesti.

Ekspedıtsııa quramyna Otyrar aýdany ákiminiń orynbasary Perdehan Japparqulov, «Parasat» jáne «Dostyq» ordenderiniń ıegeri, halyq aqyny Áselhan

Qalybekova, Otyrar arheologııalyq qoryq-murajaıynyń dırektory Jangeldi Maqashev jáne t. b. kirdi.




Perdehan Japparqulov pen Jangeldi Maqashev Otyrar aýdanynyń tarıhı jáne

mádenı nysandarynyń erekshelikteri týraly aıtyp berdi. Sondaı-aq jyljymaly kórme tanystyryldy.

«Materıaldyq faktiler turǵysynan uly Otyrar qalasynyń tarıhy jaıly aqparat berý úshin biz búkil el boıynsha kóshpeli kórme uıymdastyrdyq. Kórme

aıasynda Ulytaýǵa Otyrar qalasynda dúnıege kelgen ábý Nasyr ál-Farabıdiń rebab pen ál-kanýn aspaptarynyń kóshirmelerin alyp keldik. Bul eki aspap qazirgi qobyz ben jetigenge uqsas», - deıdi Perdehan Japparqulov.

Ulytaý aýdany ákiminiń orynbasary Baǵdat Baıjantaev óz kezeginde qonaqtarǵa Ulytaý týraly aıtyp, olarǵa «Ulytaý» entsıklopedııasy men «Qasıetti Ulytaý» kitabyn tabys etti. Ulytaý ulttyq tarıhı-mádenı jáne tabıǵı qoryq-murajaıy dırektorynyń mindetin atqarýshy Aman-Serik Esenǵalıev ekspedıtsııa múshelerine býkletter men fotoalbomdar syılady.







Belgili aqyn Áselhan Qalybekova Ulytaýǵa arnalǵan óleńin oqyp, tarıhı jerlerge saıahatynan alǵan áserlerimen bólisti.

«Ulytaýǵa barýdy kópten armandaǵanmyn, ol armanym oryndaldy. Bul –qazaqtyń salt-dástúrleri men ádet-ǵuryptary shoǵyrlanǵan óte ádemi ólke. Men Joshy han men Alasha hannyń kesenelerin kórdim. Olar óte ádemi», – dep atap ótti Áselhan Qalybekova.

Odan ári ekspedıtsııa Jezqazǵanǵa attandy.








Joǵary qaraı