Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstan Prezıdentiniń senimdi ókili: Eki eldiń alys-berisin damytýǵa ázirmiz

2021 jyldyń 22 qyrkúıek 2021 16:26

NUR-SULTAN. QazAqparat – Ózbekstan Respblıkasy Prezıdentiniń Naýaı oblysyndaǵy senimdi ókili, Ózbekstan Respýblıkasynyń Zúlfııa atyndaǵy memlekettik medal ıegeri, kásipker, qandasymyz Mereı Amanbaeva «Bastaý bıznes» baǵdarlamasynyń 5 jyldyǵyna arnalǵan forýmǵa qatysyp, kórshi el basshysynyń sálemin jetkizdi, dep habarlaıdy QazAqparat tilshisi.

«Baýyrlas Ózbekstan kásipkerleri atynan osy forýmda sózge shyqqanyma óte qýanyshtymyn. Sizderge de kóp-kóp alyǵysymdy bildiremin. Qazaqstanda bolyp jatqan jańalyqtardy Ózbekstandaǵy qazaqtar kórip otyramyz. «Bastaý bıznes» jobasy týraly biz bir jyl buryn estigenbiz. Keshe kelgen sátten beri joba boıynsha biraz málimetter aldym. Bul joba kóptegen múmkindikter beredi eken. Bizdiń memleketimizde de - Ózbekstanda osyndaı jastarǵa arnalǵan jobalar men múmkindikter bar. «Bastaý» jobalarynyń qatysýshylary men bizdiń eldiń kásipkerleri eksport-ımport boıynsha kelisimsharttar jasap, alys-beristi damytady degen nıettemin» - dedi qandasymyz.

Sondaı-aq, ol joba qatysýshylaryna óz eliniń Prezıdentiniń sálemin jetkizdi.

«Joba túlekteriniń «Forbs» jýrnalynan oryn alýyna tilektespin. Barshańyzdy Qazaqstanda kórip turǵanyma qýanyshtymyn. Sizderge Ózbekstan Respýblıkasy Prezıdentiniń sálemin jetkizgim keledi. Bizde de kásippen aınalysatyn qazaqtar óte kóp. Dostyǵymyz ári qaraı jalǵasa bersin», - dedi ózbekstandyq kásipker.


Joǵary qaraı