Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstanda 18 sáýirden bastap karantın talaptary kúsheıtiledi

2021 jyldyń 17 sáýir 2021 15:11

TAShKENT. QazAqparat – Ózbekstanda 18 sáýirden bastap karantın talaptary qataıtylady, dep habarlaıdy QazAqparat tilshisi Ózbekstan Respýblıkasy Densaýlyq saqtaý mınıstrliginiń baspasóz qyzmetine silteme jasap.

Mundaı sheshim búgin Ózbekstan Respýblıkksynyń Premer-mınıstri Abdolla Áripovtyń tóraǵalyǵymen óttken Koronavırýspen kúres boıynsha respýblıkalyq komıssııanyń keńeıtilgen otyrysynda qabyldandy.

«Biz ázirge shekarany japqan joqpyz, bilip qoıyńyzdar!. Sebebi, biz barlyq qyzmetterdi toqtatýǵa negiz bolatyn qaýipti kórip otyrǵan joqpyz. Biraq aýrý tarala bastady. Eger jyl basynda kúnine 15 jaǵdaı anyqtalsa, qazir bul kórsetkish 300-ge jetti», - dedi Abdolla Áripov.

Osyǵan baılanysty 18 sáýirden bastap iri saýda ortalyqtarynda, dúkenderde, bazarlarda, kontserttik mekemeler men kóńil-kóterý oryndarynda karantındik baqylaý kúsheıtiledi. Atap aıtqanda kelýshiler qoldaryn antıseptıkpen zararsyzdandyrady, tıisti uıymdar medıtsınalyq maskanyń bolýyn jáne áleýmettik qashyqtyqtyń saqtalýyn baqylaıtyn bolady.

Sondaı-aq koronavırýs jaǵdaılary anyqtalǵan mektepter men balabaqshalar eki aptalyq karantınge jabylady.

«Infektsııa 6-7 paıyzǵa – joǵary oqý oryndarynda, 11-15 paıyzǵa – orta bilim berý mekemelerinde taralýda. Eger ótken jylǵy jaǵdaımen salystyratyn bolsaq, ol kezde oqýshylar bul aýrýdy juqtyrmaǵan edi. Jyl basynda balalar arasynda brıtandyq shtamm taraldy, sol sebepti de biz birqatar mektepter men balabaqshalardy jabýǵa májbúr boldyq. Búgingi tańda aýrý túri ózgergen, odan ári qaýipti bola tústi. Eger buryn aýrý balaǵa jolamasa, qazir bári kerisinshe. Tipti mektep jasyna deıingi kishkentaı balalar da aýrý juqtyrýy múmkin.

Bizge afrıkalyq shtamm kirdi. Qazir ozyq tehnologııalar ortalyǵy Sanıtarlyq-epıdemıologııalyq salaýattylyq qyzmetimen birlesip zertteý jáne tereń taldaý júrgizýde»,-dedi Ózbekstan premer-mınıstri.


Joǵary qaraı