Aýa raıy
Astana -5 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstanda Aleksandr Makedonskıı saldyrǵan bekinister tabyldy

2020 jyldyń 20 qazan 2020 13:32

TAShKENT. QazAqparat – Ózbekstannyń Qashqadarııa oblysy aýmaǵyndaǵy «Okrabot» mahallıasynda (shaǵynaýdan) Aleksandr Makedonskıı saldyrǵan ejelgi bekinister tabyldy, dep habarlaıdy QazAqparat «Xalq so'zi» gazetiniń saıtyna silteme jasap.

Óz dáýirinde Orta Azııany jaýlaǵan áıgili qolbasshy Aleksandr Makedonskıı Ózbekstannyń qazirgi Dehkanabad aýdany aýmaǵynda qystap, ózine jáne sarbazdaryna arnap grek stılinde bekinis turǵyzǵan.

«Bul bekinis ǵasyrlar boıy mújilip, qazir onyń tek keıbir bólikteri saqtalǵan. Onyń qıraǵan, synǵan jerlerine kezinde Reseı ımperatory Nıkolaı II jóndeý jumystaryn júrgizgen», - deıdi Respýblıkalyq rýhanııat jáne aǵartý ortalyǵy Dehkanabad aýdandyq fılıalynyń jetekshisi Renat Kýzıboev.

Bekinis ejelgi Uly Jibek joly boıynda salynǵan jáne sol kezeńdegi strategııalyq mańyzǵa ıe meken bolǵan. Jergilikti tarıhshylardyń aıtýynsha, erekshe stılde turǵyzylǵan sáýlet óneri tolyq zertteýdi qajet etedi.





Avtor Álıhan Asqar
Basty sózder: Mádenıet, Oqıǵa, Ózbekstan,
Joǵary qaraı