Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstanda ekpe naýqany bastalǵaly vaktsınanyń 18 mln dozasy salyndy

2021 jyldyń 18 qyrkúıek 2021 13:21

TAShKENT. QazAqparat – Ózbekstanda ekpe naýqany bastalǵaly COVID-19 vırýsyna qarsy vaktsınanyń 18 mıllıonnan astam dozasy qoldanyldy, dep habarlaıdy QazAqparattyń menshikti tilshisi.

Ózbekstan Respýblıkasy Densaýlyq saqtaý mınıstrliginiń málimetinshe, búginde elde vaktsınanyń 18 082 373 dozasy qoldanylǵan.

Bul rette birinshi dozany 10 334 108 adam alsa, vaktsınanyń ekinshi jáne úshinshi komponenti (qytaı-ózbek ZF-UZ-VAC2001 vaktsınasy úsh dozamen salynady) tıisinshe 5 745 222 jáne 2 003 043 ózbekstandyq azamatqa egildi.

Elde vaktsınalaýdyń tolyq kýrsynan 3 596 143 adam ótken.

Aımaqtar arasynda Ferǵana jáne Namanǵan oblystary kósh bastap tur. Onda ekpe saldyrǵandar sany 2 mıllıon adamnan asty.

Eske sala ketsek, Ózbekstanda ekpe naýqany 1 sáýirde bastaldy.

Vaktsınatsııaǵa tórt preparat paıdalanylyp otyr: eýropalyq AstraZeneca, qytaı-ózbek ZF-UZ-VAC2001, reseılik «Spýtnık-V» jáne amerıkandyq Moderna.

3 tamyzda respýblıkada jumys isteýshi turǵyndardyń mindetti vaktsınalanýy týraly zań qabyldanǵan.


Basty sózder: Vaktsına, Koronavırýs, Ózbekstan, Álem,
Joǵary qaraı