Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstanda Prezıdent saılaýy ótti dep tanyldy

2021 jyldyń 24 qazan 2021 17:21

TAShKENT. QazAqparat – Ózbekstanda ótken prezıdenttik saılaýda saǵat 11:00-degi jaǵdaı boıynsha saılaýshylardyń 33%-dan astamy daýys berdi. Osyǵan sáıkes prezıdenttik saılaý ótti dep tanyldy.

Bul týraly Tashkentte ótken brıfıngte Ózbekstan Respýblıkasynyń Ortalyq saılaý komıssııasy tóraǵasynyń orynbasary Bahrom Kýchkarov málim etti, dep habarlaıdy QazAqparattyń menshikti tilshisi.

Komıtettiń derekterine sáıkes, saǵat 11:00-degi jaǵdaı boıynsha Ózbekstan prezıdenti saılaýynda daýys berýge 6 669 552 azamat nemese halyqtyń 33,6%-y keldi. Tirkelgen daýys berýshiler sany – 19 859 127.

Saılaý kodeksine sáıkes, saılaýshylardyń kem degende 33%-y daýys bergen jaǵdaıda saılaý ótti dep tanylady.

«Osylaısha, prezıdenttik saılaý aıaqtaldy. Saılaý protsesine qatysqan barlyq azamattardy quttyqtaımyz», - dedi B. Kýchkarov.

Eske sala keteıik, búgin Ózbekstanda prezıdenttik saılaý ótip jatyr. Oǵan bes kandıdat qatysýda. Kandıdattar qatarynda eldiń qazirgi prezıdenti Shavkat Mırzıeev ta bar. Jeńiske jetý úshin saılaýǵa túsýshiler 50%-dan joǵary daýys jınaýy kerek.

Osyǵan deıin Ózbekstanda Prezıdent saılaýy ótip jatqanyn habarlaǵan bolatynbyz.


Joǵary qaraı