Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstanda prezıdenttik saılaýǵa 300 mıllıard som jumsalady – Ortalyq saılaý komıssııasy

2021 jyldyń 17 maýsym 2021 09:55

TAShKENT. QazAqparat – Búgin Ózbekstan Respýblıkasynyń Ortalyq saılaý komıssııasynyń otyrysynda 300 mıllıard som kóleminde (shamamen 12 mlrd 52 mln teńge) prezıdenttik saılaýdy uıymdastyrýǵa jumsalatyn shyǵyndar smetasy bekitildi, dep habarlaıdy QazAqparat vedomstvonyń baspasóz qyzmetine silteme jasap.

Ortalyq saılaý komıssııasynyń málimetinshe, 14 okrýgtik saılaý komıssııasynyń árqaısysy 56,9 mln som, 10,8 myń ýchaskelik saılaý komıssııasy 11,8 mln som alady.

Saılaýshy okrýgtar men ýchaskelerge bólingen qarajattyń 80%-y aılyq, ótemaqy jáne biryńǵaı áleýmettik tólem tóleýge jumsalady.

Saılaý komıssııalarynyń qyzmetkerlerin daıyndaý men oqytýǵa 18,4 mıllıard som jumsaý josparlanyp otyr. Sonymen qatar saılaý komıssııalary músheleri men saılaýshylardyń ózderin jeke qorǵaný jáne zararsyzdandyrý quraldarymen qamtamasyz etý úshin qarajat bólingen.

Eske sala keteıik, Ózbekstan prezıdentiniń kezekti saılaýy osy jyldyń 24 qazanynda ótpek. Ol Ózbekstan tarıhyndaǵy altynshy tikeleı prezıdenttik saılaý bolmaq.


Basty sózder: Saılaý, Ózbekstan,
Joǵary qaraı