Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ózbekstanda salmaǵy 7 kg náreste dúnıege keldi

2022 jyldyń 14 sáýir 2022 03:00

TAShKENT. QazAqparat – Ózbekstannyń Syrdarııa oblysynda salmaǵy 7 kg qyz bala dúnıege keldi, dep habarlaıdy QazAqparat Ózbekstannyń «Uza» agenttigine silteme jasap.

Syrdarııa aýdandyq medıtsına birlestiginiń bas dárigeri Sanat Qadyrovtyń sózinshe, náresteniń jaǵdaıy jaqsy.

Oǵan jáne anasyna dárigerler men medbıkeler kómek kórsetedi. Náreste kesar tiligi arqyly dúnıege keldi. Mundaı jaǵdaı Syrdarııa oblysynyń tarıhynda birinshi ret bolyp otyr.

Ana atanǵan 1998 jylǵy áıel Syrdarııa oblysynyń turǵyny jáne bul onyń alǵashqy perzenti.

Aıta keteıik, jańa týǵan nárestelerdiń salmaǵy ádette 3,4 kg bolyp keledi. Olardyń arasynda 2,5 jáne 4,5 kg aralyǵyndaǵy salmaqpen týatyndary da bar. Budan joǵary salmaqpen dúnıe esigin ashatyndar nebári 5% quraıdy.

Osyǵan deıin Qaraǵandyda 2 jasar qyz balaǵa álemdegi eń qymbat ınektsııa jasalǵanyn habarlaǵan bolatynbyz.


Perevod Aıdar Ospanalıev
Basty sózder: Álem, Ózbekstan, Oqıǵa,
Joǵary qaraı