Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ózbekstanda ShYU-ǵa múshe-elderdiń halyq áýenderi oryndaldy

2022 jyldyń 28 qańtar 2022 15:01

TAShKENT. QazAqparat – Qazaqstannyń jáne Shanhaı Yntymaqtastyq Uıymyna múshe basqa da elderdiń halyq áýenderi ózbek mýzykalyq aspaptarymen oryndaldy. Ózbekstandaǵy ShYU Halyqtyq dıplomatııa ortalyǵynyń «Mýzyka halyqty izgilikke jeteleıdi» bastamasyn «Assalom» halyq aspaptary ansambliniń ujymy sheber oryndady, dep habarlaıdy QazAqparat menshikti tilshisi.

«Mýzyka adamdardy biriktiretin zor kúshke ıe. Ár halyqtyń ózindik mýzykalyq tili jáne aýyzeki tili bar. Bul mýzykalyq tildiń aýyzeki tilden aıyrmashylyǵy – barshaǵa aýdarmasyz túsinikti», - dep atap ótti Ózbekstandaǵy ShYU HDO Mádenı-gýmanıtarlyq qatynas bóliminiń bastyǵy Fahrıddın Otbasarov.

Uıymdastyrýshylardyń aıtýynsha, Ózbekstandaǵy Shanhaı Yntymaqtastyq Uıymynyń Halyqtyq dıplomatııa ortalyǵynyń maqsatynyń biri - mýzyka arqyly túrli elderdiń birligi men yntymaǵyn qoldaý. Belgili ónerli mýzykant Abdýhalıl Isaevtyń jetekshiligimen «Assalom» halyq aspaptar ansambli bul bastamany sheber júzege asyrdy.




Ózbek halyq aspaptarymen ShYU-ǵa múshe segiz memlekettiń – Úndistan, Qazaqstan, Qytaı, Qyrǵyzstan, Pákistan, Reseı, Tájikstan jáne Ózbekstannyń halyq áýenderi oryndaldy.

Úndiniń «Brodıaga» jáne «Tantsor dısko» fılmderindegi ánder, qazaqtyń «Qóńil tolqyny» jáne «Saryjaılaý» kompozıtsııasy, qytaıdyń «Imperator» halyq mýzykasy, «Týmarım» qyrǵyz halyq mýzykasy, pákistannyń «Bı» halyq mýzykasy, «Smýglıanka», «Katıýsha», «Kalınka» orys melodııasy, «Lalı ıAman» tájik halyq mýzykasy, «Merekelik mýzyka» ózbek halyq melodııasy iriktelip alyndy.




Avtory: Mádibek Jánibekov


Basty sózder: Qoǵam, ShYU, Mádenıet,
Joǵary qaraı