Ózbekstandaǵy prezıdent saılaýynda daýys berý aıaqtaldy
TAShKENT. QazAqparat - Ózbekstanda ótip jatqan prezıdent saılaýynda daýys berý aıaqtaldy, dep habarlaıdy QazAqparat tilshisi.
Tashkent ýaqytymen 20:00-de Ózbekstan prezıdentin saılaýda daýys berý resmı túrde aıaqtaldy. Komıssııa músheleri daýys sanaýdy bastady.OSK málimetine saı, saǵat beldeýindegi aıyrmashylyqqa baılanysty Eýropa elderindegi jáne AQSh-taǵy saılaý ýchaskelerinde daýys berý jolyǵýda.
Saılaýdyń aldyn ala málimeti 25 qazan kúni jarııalanady.
Eske sala keteıik, búgin Ózbekstanda prezıdent saılaýy ótti. 17:00-degi jaǵdaı boıynsha (Tashkent ýaqytymen) Ózbekstan prezıdentin saılaýda 14 258 780 adam daýys berdi. Jalpy daýys berýshi kontıngent 19 859 127 adam desek, bul sonyń 71,8%-i.
Saılaýda bes úmitker baq synaýda. Onyń ishinde qazirgi prezıdent Shavkat Mırzıeev bar. Saılaýda jeńiske jetý úshin kandıdat 50 protsentten kóp daýys jınaýy kerek.
