Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstandyqtardy jaıaý serýen úshin aqshalaı yntalandyrady

2021 jyldyń 5 mamyr 2021 15:35

TAShKENT. QazAqparat – Ózbekstanda 10 mamyrdan bastap «Salaýatty ómir salty» jobasy aıasynda jaıaý serýendeýdi unatatyn azamattardy árbir 10 myń qadam úshin aqshalaı yntalandyryp otyrady, dep habarlaıdy QazAqparat tilshisi.

Aqsha alý úshin ózbekstandyqtar «Salaýatty ómir salty» qosymshasyn telefondaryna ornatyp, elektrondy úkimettiń qoldanýshylardy biryńǵaı ıdentıfıkatsııalaý júıesine tirkelip, antropometrııalyq derekter men elektrondy shot nómirin kórsetý kerek.

Aqshalaı tólem alǵa qoıylǵan maqsat tabysty oryndalǵan kezde avtomatty túrde túsip otyrady. Platforma 10 mamyrdan bastap test rejıminde, 1 maýsymnan bastap tolyq formatta jumys istemek.

Osylaısha, 18 jáne odan joǵary azamattar 10 myń qadam normasyn oryndaǵany úshin kúndelikti 3 myń som (shamamen 125 teńge) ala alady. Sonymen qatar eger óz qalasynda, oblysynda jáne respýblıka boıynsha úzdik dep tanylsa, tıisinshe onyń aıyna 300 myń, 500 myń jáne 1 mln som tabys tabý múmkindigi bar.

Bul tólemder alkogol jáne temeki buıymdaryn óndirýshilerden alynǵan jınaq esebinen tólenedi.

Ózbekstandyqtardy jaıaý serýendeý úshin yntalandyrý ótken jyly «Salaýatty ómir saltyn keńinen engizý jáne ári qaraı buqaralyq sportty damytý boıynsha sharalar týraly» Ózbekstan Prezıdentiniń qaýlysynda jazylǵan edi. Sáıkes júıeni qurý 2020 jyldyń qarashasynda bastalǵan.


Basty sózder: Ózbekstan,
Joǵary qaraı