Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózbekstannyń 5 saıası partııasy prezıdent saılaýyna qatysatyn kandıdatyn bekitti

2021 jyldyń 9 qyrkúıek 2021 21:37

TAShKENT. QazAqparat – Ózbekstanda bes saıası partııanyń barlyǵy prezıdent saılaýyna qatysatyn kandıdatyn bekitti, dep habarlaıdy QazAqparat menshikti tilshisi.

Óziniń alǵashqy úmitkerin 26 tamyzda «Mıllıı tıklanısh» partııasy bekitti, onyń atynan saılaýǵa Olıı Majlıs zań shyǵarý palatasy spıkeriniń orynbasary, partııa basshysy Álisher Qadyrov qatysady.

Ekologııalyq partııa kandıdaty – partııanyń ortalyq apparaty atqarýshy komıtetiniń tóraǵasy Narzýlla Oblomýrodov.

Ózbekstan Halyq Demokratııalyq partııasynyń (ÓHDP) sezi 6 tamyzda ótti. Prezıdenttikke úmitker retinde ÓHDP tóraǵasynyń orynbasary Maksýda Varısova bekitildi.

Bir kún buryn «Adolat» Sotsıal-demokratııalyq partııasy óziniń úmitkeri retinde partııa basshysy Bahrom Abdýhalımovty bekitti.

Búgin Lıberaldy-demokratııalyq partııa óz kandadaty retinde qazirgi prezıdent Shavkat Mırzıeevti sezde bekitti.

Rásimge sáıkes Saıası partııalar Ortalyq saılaý komıssııasyna óz kandıdatýrasy úshin tıisti qujattar men qol qoıý paraqtaryn tapsyrdy, sodan keıin OSK olardyń prezıdent saılaýyna qatysýǵa kandıdat retinde resmı tirkelgenin jarııalaıdy.

Eske sala keteıik, Ózbekstan prezıdentin saılaý 24 qazanda ótedi. Saılaý naýqany resmı túrde 23 shildede bastaldy.

Avtory: Mádıbek Jánibekov


Basty sózder: Ózbekstan, Saılaý,
Joǵary qaraı