Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ózen aǵysy alyp ketken er adam qutqaryldy - Pavlodar oblysy

2021 jyldyń 29 shilde 2021 05:20

PAVLODAR. QazAqparat – Jaraqaty saldarynan motorly qaıyqty júrgize almaı qalǵan er adamdy ózen aǵysy alyp ketken, dep habarlaıdy QazAqparat Pavlodarnews.kz saıtyna silteme jasap.

112 basqarý pýltine Aqsý qalasyndaǵy «Neftebaza» aýmaǵynda kishkentaı qaıyqqa mingen er adamnyń qıyn jaǵdaıǵa tap bolǵany týraly habar kelip túsken.

Pavlodar oblystyq tótenshe jaǵdaı departamentiniń habarlaýynsha, qaıyqtaǵy er adamdy qutarýǵa 6 adam kelgen. Olar 1981 jyly týǵan er adamdy qutqaryp qaldy. Jaraqat alǵan turǵynnyń qaıyqty basqarýǵa shamasy kelmegen. Saldarynan Ertis ózeni sý kóligin aǵys boıymen alyp ketken.

Osy rette mamandar óńir turǵyndaryn qaıyqtardy paıdalaný kezinde sý aıdyndaryndaǵy qaýipsizdik erejelerin saqtaýǵa shaqyrady.

- Qaıyqty nemese ózge de shaǵyn sý kóligine shamadan tys júk artpaǵan durys. Qaıyqty qutqarý jabdyqtarynsyz, sondaı-aq mas kúıde basqarýǵa tyıym salynady. 7 jastan aspaǵan balalardy alyp júrmeý kerek, - deıdi departamentte.


Basty sózder: Oqıǵa, Pavlodar oblysy,
Joǵary qaraı